OpenAI Deployment Company-ს კონფიდენციალურობის პოლიტიკა

ინფორმაციის შეგროვება

ინფორმაცია, რომელსაც თქვენ შესახებ ვაგროვებთ, დამოკიდებულია იმაზე, თუ როგორ ურთიერთობთ ჩვენთან.

თქვენ მიერ ჩვენთვის მოწოდებული ინფორმაცია

ჩვენ ვაგროვებთ ინფორმაციას, რომელსაც უშუალოდ გვაწვდით. მაგალითად, ჩვენ ვაგროვებთ ინფორმაციას უშუალოდ თქვენგან, როდესაც ავსებთ ფორმას ჩვენს საიტებზე ან ღონისძიებაზე, ქმნით ანგარიშს ჩვენთან, იწერთ ჩვენს მარკეტინგულ შეტყობინებებს ან სხვაგვარად გვიკავშირდებით. ინფორმაციის ტიპები, რომლებსაც პირდაპირ თქვენგან ვაგროვებთ, მოიცავს თქვენს სახელს, ელფოსტის მისამართს, საფოსტო მისამართს, ტელეფონის ნომერს, თანამდებობას და კომპანიის შესახებ ინფორმაციას, ასევე ნებისმიერ სხვა ინფორმაციას, რომლის მოწოდებასაც გადაწყვეტთ.

ინფორმაცია, რომელსაც ავტომატურად ვაგროვებთ

ჩვენ ავტომატურად ვაგროვებთ ინფორმაციას თქვენი მოწყობილობისა და ჩვენთან ან ჩვენს საიტებთან თქვენი ურთიერთქმედების შესახებ. ჩვენ ვაგროვებთ ინფორმაციას იმის შესახებ, თუ როგორ შედიხართ ჩვენს საიტებზე, მათ შორის, მონაცემებს თქვენ მიერ გამოყენებული მოწყობილობისა და ქსელის შესახებ, როგორიცაა თქვენი აპარატურული მოდელი, ოპერაციული სისტემის ვერსია, მობილური ქსელი, IP-მისამართი, ბრაუზერის ტიპი და მოწყობილობის უნიკალური იდენტიფიკატორები. ასევე, ვაგროვებთ ინფორმაციას იმ გზის შესახებ, რომლითაც ჩვენს საიტებზე წვდომას იღებთ, წვდომის თარიღებისა და დროის, ასევე, ჩვენს საიტებზე თქვენი აქტივობის შესახებ, მაგალითად გვერდების ნახვასა ბმულებზე დაწკაპუნებასთან დაკავშირებით. ჩვენ ვიყენებთ თვალყურის დევნების ტექნოლოგიებს, როგორიცაა ქუქი-ფაილები და პიქსელები, რათა შევაგროვოთ გარკვეული ინფორმაცია საიტებთან და ჩვენს მარკეტინგულ კომუნიკაციებთან თქვენი ურთიერთქმედების შესახებ. ჩვენ ვიყენებთ ამ ტექნოლოგიებს ჩვენს საიტებზე აქტივობისა და მარკეტინგულ კომუნიკაციებთან ურთიერთქმედებების გასაანალიზებლად, მათ შორის, იმის დასადგენად, თუ ჩვენი საიტების რომელი სექციები და ფუნქციებია პოპულარული, და ვიზიტების დასათვლელად. ქვემოთ აღწერილია, თუ როგორ ვიყენებთ თვალის დევნების ტექნოლოგიებს მარკეტინგული მიზნებისთვის.

ინფორმაცია, რომელსაც სხვა წყაროებიდან ვაგროვებთ

ჩვენ ვიღებთ ინფორმაციას სხვა წყაროებიდან. მაგალითად, ჩვენ შეიძლება შევაგროვოთ ინფორმაცია მონაცემთა ანალიტიკისა და დაგზავნის სიების პროვაიდერებისგან, ასევე საჯარო წყაროებიდან, როგორიცაა პროფესიული ქსელური ვებსაიტები. ეს ინფორმაცია მოიცავს, მაგალითად, თქვენს საკონტაქტო ინფორმაციას და ცნობებს თქვენი კომპანიისა და თანამდებობის შესახებ.

ინფორმაცია, რომელსაც ვიღებთ ანალიზის შედეგად

ჩვენ შეგროვებული ინფორმაციის საფუძველზე, შესაძლოა, ინფორმაცია მივიღოთ ან დასკვნები გამოვიტანოთ თქვენ შესახებ. მაგალითად, შესაძლოა, თქვენი IP-მისამართის საფუძველზე გამოვიტანოთ დასკვნები თქვენი სავარაუდო მდებარეობის შესახებ.

ინფორმაციის გამოყენება

ჩვენ მიერ შეგროვებულ ინფორმაციას ვიყენებთ ჩვენი საიტების უზრუნველსაყოფად და თქვენთან კომუნიკაციისთვის. ინფორმაციას, რომელსაც ვაგროვებთ, ასევე, ვიყენებთ შემდეგი მიზნებისთვის:

• ჩვენი სერვისებისა და შეთავაზებების მოსაწოდებლად, შესანარჩუნებლად და გასაუმჯობესებლად;

• ახალი პროდუქტებისა და სერვისების შესამუშავებლად;

• თქვენთვის მარკეტინგული შეტყობინებების გამოსაგზავნად;

• ჩვენს პროდუქტებსა და მომსახურებებთან დაკავშირებული ტენდენციების, გამოყენებისა და აქტივობების მონიტორინგისა და ანალიზისთვის;

• მესამე მხარის პლატფორმებსა და ვებსაიტებზე თქვენთვის ჩვენი საკუთარი სერვისების მიზნობრივი მარკეტინგისთვის;

• უსაფრთხოების ინციდენტებისა და სხვა მავნე, შეცდომაში შემყვანი, თაღლითური ან უკანონო მოქმედებების გამოსავლენად, გამოსაძიებლად, მათზე რეაგირებისთვის, მათთან დაკავშირებით საქმის აღძვრისა და მათგან დაცვის მიზნით, აგრეთვე, DeployCo-სა და სხვების უფლებებისა და საკუთრების დაცვის ხელშესაწყობად;

• ჩვენი სამართლებრივი და ფინანსური ვალდებულებების შესასრულებლად; და

• იმ დეიდენტიფიცირებული და აგრეგირებული მონაცემების შესაქმნელად, რომლებიც გონივრულ ფარგლებში თქვენ ვერ დაგიკავშირდებათ.

ინფორმაციის გამჟღავნება

ჩვენ ვამჟღავნებთ თქვენ შესახებ ინფორმაციას შემდეგ შემთხვევებში:

• მომწოდებლები და სერვისის პროვაიდერები. ჩვენ პერსონალურ ინფორმაციას ხელმისაწვდომს ვხდით ჩვენი მომწოდებლებისთვის, მომსახურების პროვაიდერებისთვის, კონტრაქტორებისა და კონსულტანტებისთვის, რომლებიც ჩვენი სახელით ასრულებენ სერვისებს, მაგალითად, კომპანიებისთვის, რომლებიც გვეხმარებიან ვებჰოსტინგში, თაღლითობის პრევენციაში, ანალიტიკასა და მარკეტინგში.

• მარკეტინგული მიზნებისთვისპერსონალური ინფორმაცია შეიძლება გავაზიაროთ მარკეტინგულ პარტნიორებთან, რომლებიც გვეხმარებიან, გაჩვენოთ რეკლამები DeployCo-ს მესამე მხარის საიტებსა და სერვისებზე. ამ პარტნიორებმა შეიძლება გამოიყენონ ქუქი-ფაილები, პიქსელები, SDK-ები და მსგავსი ტექნოლოგიები ჩვენი საიტების თქვენ მიერ გამოყენების შესახებ ისეთი ინფორმაციის შესაგროვებლად, როგორიცაა თქვენი IP-მისამართი, ვებბრაუზერისა და მობილური ქსელის ინფორმაცია, ნანახი გვერდები, გვერდებზე ან მობილურ აპებში გატარებული დრო და ბმულები, რომლებზეც დააწკაპუნეთ.

• სამართალდამცავი ორგანოები და სამართალწარმოებაში ჩართული პირები ჩვენ ვამჟღავნებთ პერსონალურ ინფორმაციას მის მოთხოვნაზე პასუხად, თუ მიგვაჩნია, რომ ასეთი გამჟღავნება შესაბამისი წესით ხდება ან მოითხოვება ნებისმიერი მოქმედი კანონის, რეგულაციის ან სამართლებრივი პროცესის მიხედვით, მათ შორის, საჯარო ორგანოების კანონიერი მოთხოვნების შემთხვევაში, ეროვნული უსაფრთხოების ან სამართალდაცვითი მოთხოვნების დასაკმაყოფილებლად.

• DeployCo-სა და სხვათა უფლებების დასაცავად. ჩვენ შეიძლება გავამჟღავნოთ პერსონალური ინფორმაცია, თუ მიგვაჩნია, რომ თქვენი მოქმედებები არ შეესაბამება ჩვენს მომხმარებლის შეთანხმებებს ან პოლიტიკებს, დაარღვიეთ კანონი ან ეს აუცილებელია DeployCo-ს, ჩვენი მომხმარებლების, საზოგადოების ან სხვა პირების უფლებების, საკუთრებისა და უსაფრთხოების დასაცავად.

• პროფესიონალი მრჩევლები. ჩვენ ვუმჟღავნებთ პერსონალურ ინფორმაციას ჩვენს იურიდიულ, ფინანსურ, სადაზღვევო და სხვა პროფესიულ მრჩევლებს, როდესაც ეს აუცილებელია რჩევის მისაღებად ან სხვაგვარად ჩვენი ბიზნესინტერესების დასაცავად და სამართავად.

• კორპორაციული ტრანსაქციები. ჩვენ ვამჟღავნებთ პერსონალურ ინფორმაციას გარკვეულ კორპორაციულ გარიგებებთან დაკავშირებით ან მათზე მოლაპარაკებების მიმდინარეობისას, მათ შორის, შერწყმის, კომპანიის აქტივების გაყიდვის, დაფინანსების ან ჩვენი ორგანიზაციის მთლიანად ან ნაწილობრივ სხვა კომპანიის მიერ შეძენის შემთხვევაში.

• თქვენი თანხმობით ან თქვენი მითითებით. ჩვენ პერსონალურ ინფორმაციას ხელმისაწვდომს ვხდით მესამე მხარეებისთვის, როდესაც გვაქვს თქვენი თანხმობა ან როდესაც თქვენ შეგნებულად გვაძლევთ ამის მითითებას.

ჩვენ, ასევე, ვამჟღავნებთ აგრეგირებულ ან დეიდენტიფიცირებულ ინფორმაციას, რომელიც გონივრულ ფარგლებში ვერ იქნება გამოყენებული თქვენი იდენტიფიცირებისთვის. ამ ინფორმაციას ვინახავთ და ვიყენებთ მხოლოდ დეიდენტიფიცირებული ფორმით და არ შევეცდებით ასეთი ინფორმაციის ხელახლა იდენტიფიცირებას, გარდა კანონით ნებადართული შემთხვევებისა.

მონაცემების შენახვა

ჩვენ ვინახავთ პერსონალურ ინფორმაციას იმდენი ხნით, რამდენიც საჭიროა იმ მიზნების შესასრულებლად, რომლებისთვისაც ის თავდაპირველად შევაგროვეთ, ასევე, სხვა ბიზნეს მიზნებისთვის, რომლებიც განმარტებულია კონფიდენციალურობის წინამდებარე პოლიტიკაში.

თქვენი არჩევანი

ქუქი-ფაილები და თვალის დევნების მსგავსი ტექნოლოგიები

DeployCo იყენებს ქუქი-ფაილებსა და თვალის მიდევნების მსგავს ტექნოლოგიებს ზემოთ აღწერილი ანალიტიკისა და მარკეტინგის მიზნებისთვის. გარდა ამისა, ჩვეულებრივ, შეგიძლიათ შეცვალოთ თქვენი ბრაუზერის პარამეტრები ბრაუზერის ქუქი-ფაილების წასაშლელად ან უარსაყოფად.

კომუნიკაციის პრეფერენციები

სურვილისამებრ, შეგიძლიათ, უარი თქვათ DeployCo-სგან სარეკლამო შეტყობინებების მიღებაზე შესაბამის შეტყობინებებში მოცემული ინსტრუქციის მიყოლით. თუ უარს იტყვით, შესაძლოა, მაინც გამოგიგზავნოთ არასარეკლამო ელწერილები, მაგალითად, ჩვენი მიმდინარე საქმიანი ურთიერთობის შესახებ.

დამატებითი ინფორმაცია კონკრეტული იურისდიქციებისთვის

აშშ-ის გარკვეულ შტატებში მცხოვრები პირები

აშშ-ის ზოგიერთმა შტატმა მიიღო კონფიდენციალურობის შესახებ კანონები, რომლებიც ამ შტატების მცხოვრებლებს ანიჭებს გარკვეულ უფლებებს და მოითხოვს კონკრეტული ინფორმაციის გამჟღავნებას („შტატის კონფიდენციალურობის კანონები“). იმ ფარგლებში, რამდენადაც ეს კანონები ვრცელდება DeployCo-ზე, ეს სექცია გეხებათ, თუ თქვენ ცხოვრობთ კალიფორნიაში, კოლორადოში, კონექტიკუტში, დელავერში, ინდიანაში, აიოვაში, კენტუკიში, მერილენდში, მინესოტაში, მონტანაში, ნებრასკაში, ნიუ-ჰემფშირში, ნიუ-ჯერსიში, ორეგონში, როდ-აილენდში, ტენესიში, ტეხასში, იუტაში ან ვირჯინიაში. ეს განყოფილება ასევე წარმოადგენს ჩვენს კალიფორნიის შეტყობინებას მონაცემთა შეგროვებისას.

ინფორმაციის დამატებითი გამჟღავნებები

კონფიდენციალურობის ჩვენი პოლიტიკა განმარტავს, თუ როგორ ვაგროვებთ, ვიყენებთ, და ვამჟღავნებთ თქვენ შესახებ ინფორმაციას. ზოგიერთი შტატის კონფიდენციალურობის შესახებ კანონების მოთხოვნის შესაბამისად, ამავე ინფორმაციის ასახსნელად ქვემოთ მოცემულ ცხრილებს ვიყენებთ.

პერსონალური ინფორმაციის გამოყენება და გამჟღავნება ბიზნესის მიზნებისთვის

ჩვენ ვაგროვებთ ინფორმაციას, რომელიც შტატების კონფიდენციალურობის კანონების თანახმად „სენსიტიურ“ ინფორმაციად მიიჩნევა და არ ვიყენებთ და არც ვამჟღავნებთ სენსიტიურ პერსონალურ ინფორმაციას თქვენი მახასიათებლების შესახებ დასკვნების გამოსატანად.

როგორც ზემოთ მოცემულ ინფორმაციის შეგროვების სექციაშია აღწერილი, ჩვენ ვაგროვებთ პერსონალურ ინფორმაციას სხვადასხვა წყაროდან, მათ შორის, უშუალოდ თქვენგან, ავტომატურად, როდესაც შედიხართ ან იყენებთ ჩვენს საიტებს, ასევე, მესამე მხარის წყაროებიდან.

ჩვენ პერსონალურ ინფორმაციას ვინახავთ იმდენ ხანს, რამდენიც საჭიროა იმ მიზნების მისაღწევად, რომელთათვისაც ის თავდაპირველად შევაგროვეთ, ასევე, კონფიდენციალურობის წინამდებარე პოლიტიკაში აღწერილი სხვა მიზნებისთვის.

მიზნობრივი რეკლამა და გაზიარება სხვადასხვა კონტექსტში ქცევაზე დაფუძნებული რეკლამისთვის

ჩვენ შეიძლება გავუზიაროთ იდენტიფიკატორები (როგორიცაა თქვენი IP-მისამართი, ქუქი-ფაილების იდენტიფიკატორები და თქვენი ელფოსტის მისამართის ჰეშირებული ვერსია), ასევე, ინფორმაცია ჩვენს საიტებზე თქვენი აქტივობის შესახებ სარეკლამო და მარკეტინგულ ქსელებს, რათა მესამე მხარის რესურსებზე გაჩვენოთ რეკლამები DeployCo-ს შესახებ. შტატების კონფიდენციალურობის კანონების შესაბამისად, ეს გამჟღავნებები შეიძლება ჩაითვალოს „გაზიარებად“, „სხვადასხვა კონტექსტში ქცევითი რეკლამირებისთვის“ ან პერსონალური ინფორმაციის გამოყენებად „მიზნობრივი რეკლამირებისთვის“. ამ ქმედებებს არ ვახორციელებთ იმ პირების პერსონალური ინფორმაციის გამოყენებით, რომელთა შესახებაც ვიცით, რომ 18 წლამდე ასაკის არიან.

თქვენი უფლებები შტატების კონფიდენციალურობის კანონების თანახმად

გაყიდვებზე, გაზიარებასა და მიზნობრივ რეკლამაზე უარის თქმა

სანამ ჩვენ ჩავერთვებით ისეთ საქმიანობებში, რომლებიც წარმოადგენს „მიზნობრივ რეკლამირებას“ ან „გაზიარებას“, მოგეცემათ შესაძლებლობა, უარი თქვათ ასეთ საქმიანობებზე, ჩვენ კი განვაახლებთ კონფიდენციალურობის ჩვენი პოლიტიკის ამ სექციას, რომ აღვწეროთ მეთოდები, თუ როგორ შეგიძლიათ უარყოფა.

წვდომა, შესწორება და წაშლა

თქვენ გაქვთ უფლება: (1) მოითხოვოთ მეტი ინფორმაციის მიღება თქვენი პერსონალური ინფორმაციის შესახებ და მასზე წვდომა, მათ შორის, პორტაბელურ ფორმატში; (2) მოითხოვოთ თქვენი პერსონალური ინფორმაციის წაშლა; და (3) მოითხოვოთ არაზუსტი პერსონალური ინფორმაციის შესწორება.

თქვენს პერსონალურ ინფორმაციაზე წვდომის, მისი შესწორების ან წაშლის მოსათხოვნად მოგვწერეთ ელფოსტის მისამართზე dsar@openai.com. ჩვენ შეიძლება მოგთხოვოთ გარკვეული ინფორმაციის მოწოდება თქვენი მოთხოვნის ავთენტიფიკაციისთვის.

შურისძიების დაუშვებლობა

ჩვენ არ ვიძიებთ შურს თქვენზე კონფიდენციალურობის თქვენი უფლებების გამოყენების გამო.

გასაჩივრებები

თუ უარვყოფთ თქვენს მოთხოვნას, შეგიძლიათ გაასაჩივროთ ჩვენი გადაწყვეტილება, რისთვისაც უნდა დაგვიკავშირდეთ ელფოსტის შემდეგ მისამართზე: dsar@openai.com. თუ აპელაციის შედეგთან დაკავშირებით რაიმე შეშფოთება გაქვთ, შეგიძლიათ დაუკავშირდეთ იმ შტატის გენერალურ პროკურორს, სადაც ცხოვრობთ.

უფლებამოსილი აგენტები

თუ კალიფორნიაში ცხოვრობთ, ასევე, შეგიძლიათ, დანიშნოთ უფლებამოსილი წარმომადგენელი, რომელიც თქვენი სახელით წარადგენს წვდომის, წაშლის ან შესწორების მოთხოვნას. ჩვენ შეიძლება უფლებამოსილ წარმომადგენლებს მოვთხოვოთ მათი უფლებამოსილების დამადასტურებელი მტკიცებულების წარდგენა მოთხოვნით მომართვისთვის, მაგალითად, მოქმედი მინდობილობის ან იმის მტკიცებულების, რომ მათ აქვთ ხელმოწერილი ნებართვა იმ მომხმარებლისგან, რომელსაც აღნიშნული მოთხოვნა ეხება. ზოგიერთ შემთხვევაში, ჩვენ შეიძლება დავუკავშირდეთ პირს, რომელსაც ეხება მოთხოვნა, რომ გადავამოწმოთ მისი ვინაობა ან დავადასტუროთ, რომ უფლებამოსილ წარმომადგენელს აქვს მოთხოვნის წარდგენის ნებართვა. თუ თქვენ ხართ უფლებამოსილი წარმომადგენელი, რომელიც კალიფორნიაში მცხოვრები პირის სახელით ცდილობს წვდომის, შესწორების ან წაშლის მოთხოვნის წარდგენას, დაგვიკავშირდით ელფოსტის მისამართზე dsar@openai.com.

საერთაშორისო გადაცემები

DeployCo დაფუძნებულია ამერიკის შეერთებულ შტატებში, ხოლო ჩვენ და ჩვენი სერვისების პროვაიდერები ვამუშავებთ და ვინახავთ პერსონალურ ინფორმაციას სერვერებზე, რომლებიც მდებარეობს ამერიკის შეერთებულ შტატებსა და სხვა ქვეყნებში. ამ ქვეყნებში მონაცემთა დაცვასთან დაკავშირებული კანონები შეიძლება არ იყოს ისეთი, როგორიც თქვენს ქვეყანაშია. როდესაც ვახორციელებთ პერსონალური ინფორმაციის შეზღუდულ საერთაშორისო გადაცემებს, ვიღებთ ზომებს იმის უზრუნველსაყოფად, რომ თქვენს პერსონალურ ინფორმაციას ჰქონდეს დაცვის სათანადო დონე (შესაბამისი გარანტიების დანერგვით, როგორიცაა სახელშეკრულებო დებულებები) ან იმის უზრუნველსაყოფად, რომ შეგვეძლოს მონაცემთა დაცვის კანონმდებლობით გათვალისწინებულ შესაბამის გამონაკლისზე დაყრდნობა. შესაბამის შემთხვევაში შეგიძლიათ, მოითხოვოთ წვდომა ნებისმიერ დაცვის მექანიზმზე, რომელსაც ვიყენებთ თქვენი პერსონალური ინფორმაციის ევროპის ეკონომიკური სივრცის, გაერთიანებული სამეფოს ან შვეიცარიის ფარგლებს გარეთ გადასაცემად (თუმცა, კონფიდენციალურობის მიზეზების გამო, შესაძლოა, საჭირო გახდეს მონაცემთა გადაცემის შეთანხმებებიდან გარკვეული ინფორმაციის დაფარვა).

ფიზიკური პირები ევროპაში

თუ ევროპაში იმყოფებით, ეს სექცია თქვენზე ვრცელდება.

დამუშავების სამართლებრივი საფუძველი

როდესაც თქვენს პერსონალურ მონაცემებს ვამუშავებთ, როგორც ეს აღწერილია კონფიდენციალურობის წინამდებარე პოლიტიკაში, ამას შემდეგ სამართლებრივ საფუძვლებზე დაყრდნობით ვაკეთებთ:

• თქვენთან დადებული ხელშეკრულების ფარგლებში ჩვენი ვალდებულებების შესასრულებლად (მაგ., თქვენ მიერ მოთხოვნილი სერვისების უზრუნველყოფა);

• როდესაც გვაქვს ლეგიტიმური ინტერესი თქვენი პერსონალური ინფორმაციის დამუშავების მიმართ და ამ ინტერესს არ გადაწონის ზემოქმედება თქვენს კონფიდენციალურობაზე ან სხვა უფლებებზე (მაგალითად, ჩვენი სერვისების მიწოდების, შენარჩუნებისა და გაუმჯობესების, მონაცემთა ანალიტიკის განხორციელებისა და თქვენთან კომუნიკაციის მიზნით). ჩვენი ლეგიტიმური ინტერესები მოიცავს ჩვენი ორგანიზაციის საქმიანობის წარმართვასა და პოპულარიზაციას, ასევე, ჩვენი ინტერესების დაცვის საჭიროებას;

• ჩვენი სამართლებრივი ვალდებულებების შესასრულებლად (მაგ., თქვენი თანხმობების ჩანაწერის შესანახად და იმ პირების აღსარიცხად, რომლებმაც უარი თქვეს მარკეტინგული კომუნიკაციების მიღებაზე), ან

• როდესაც ამისთვის თქვენი თანხმობა გვაქვს (მაგალითად, როდესაც ჩვენგან მარკეტინგული კომუნიკაციების მიღებაზე თანხმობას აცხადებთ). როდესაც თქვენი პერსონალური ინფორმაციის დამუშავების სამართლებრივი საფუძველი თანხმობაა, თქვენ შეგიძლიათ, ასეთი თანხმობა ნებისმიერ დროს გააუქმოთ.

მონაცემთა სუბიექტის მოთხოვნები

თქვენ გაქვთ უფლება (1) მოითხოვოთ წვდომა თქვენს პერსონალურ მონაცემებზე (მათ შორის, ზოგიერთ შემთხვევაში, პორტაბელურ ფორმატში), (2) მოითხოვოთ თქვენი პერსონალური მონაცემების წაშლა და (3) მოითხოვოთ არაზუსტი პერსონალური მონაცემების გასწორება. გარდა ამისა, თქვენ გაქვთ უფლება, შეეწინააღმდეგოთ გარკვეულ დამუშავებას ან მოითხოვოთ, რომ გარკვეული დამუშავება შეიზღუდოს. ამ უფლებების გამოყენებისთვის დაგვიკავშირდით მისამართზე dsar@openai.com. გაითვალისწინეთ, რომ შეიძლება არსებობდეს გარემოებები, როდესაც ჩვენ არ ვართ ვალდებული, დავაკმაყოფილოთ თქვენი მოთხოვნა მონაცემთა დაცვის შესაბამისი კანონებით გათვალისწინებული სამართლებრივი პირობებისა და გამონაკლისების გამო.

თუ ჩვენ მიერ პერსონალური მონაცემების დამუშავებასთან დაკავშირებით რაიმე გაშფოთებთ, გთხოვთ, პირველ რიგში დაგვიკავშირდეთ, და ჩვენ შევეცდებით თქვენი შეშფოთების მოგვარებას. ამის მიუხედავად, თუ ვერ შევძლებთ მის მოგვარებას, თქვენ გაქვთ უფლება, საჩივარი შეიტანოთ თქვენი საცხოვრებელი ადგილის მონაცემთა დაცვის ორგანოში. თქვენი მონაცემთა დაცვის ორგანოს საკონტაქტო ინფორმაცია შეგიძლიათ იხილოთ ქვემოთ მოცემული ბმულების გამოყენებით:

ევროკავშირში მყოფი პირებისთვის: https://edpb.europa.eu/about-edpb/board/members_en

გაერთიანებულ სამეფოში მყოფი პირებისთვის: https://ico.org.uk/global/contact-us/

შვეიცარიაში მყოფი პირებისთვის: https://www.edoeb.admin.ch/edoeb/en/home/the-fdpic/contact.html

დაგვიკავშირდით

კონფიდენციალურობის ამ პოლიტიკასთან დაკავშირებით შეკითხვების შემთხვევაში მოგვწერეთ ელფოსტის მისამართზე dsar@openai.com.